gazetar_agoranews Kryeministri Edi Rama duket se po i vjen në ndihmë kryedemokratit Lulzim Basha në luftën e tij ndaj Sali Berishës për të mbajtur postin e kryetarit të Partisë Demokratike.
Për këtë gjë, kreu i qeverisë ka menduar se si t’ia ‘hedhë në erë’ Kuvendin e 11 dhjetorit të ish-kryeministrit Berisha në stadiumin ‘Air Albania’.
Kështu përmes një vendimi të marrë nga ministrja e Shëndetësisë, do të ndalohen grumbullimet e njerëzve për t’u mbrojtur nga koronavirusi.
Më parë ky vendim ka qenë deri më datën 29 të muajit të kaluar, ndërkohë që sot u vendos që të shtyhej deri më datë 13 dhjetor. Kjo do të thotë se Berisha do të hasë në një pengesë të madhe për të mbajtur Kuvendin më datë 11 dhjetor, ndërsa Basha me lirimin e masave presupozohet të mbajë Kuvendin e tij Kombëtar më datë 18 dhjetor.
