gazetar_agoranews Botuesi Andi Bushati, i cili është vënë nën hetim nga Prokuroria e Posaçme pas publikimit të skandalit me të dhënat personale të qytetarëve shprehet se përplasja e ambasadores Yuri Kim me Presidentin Ilir Meta mbrëmjen e sotme është një licencë e hapur për grabitjen e votës nga Rama.
Në një status në Facebook, Bushati, referuar faktit që Kim nuk reagoi aspak pas skandalit me të dhënat personale, shkruan se të godasësh vetëm Opozitën dhe të bësh sikur nuk i shikon këto gjërat e tjera, do të thotë të jesh palë.
“Deklarata e fundit e Yuri Kim një liçence e hapur për grabitjen e votës nga Rama. Të mos flasësh asnjë fjalë për banditët që nxjerr në rrugë rilindja, të bësh sikur nuk e sheh skandalin e vjedhjes të të dhënave të 1 milion qytetarëve dhe të godasësh vetëm opozitën do të thot të jesh palë. Sot ndjej neveri për ata liderë opozitarë që sillen si leshko ndaj kësaj “arbitreje të pavarur”,”- shkruan Bushati.
